குறள் காட்டும் காதலர்

குறள் காட்டும் காதலர்
மு வரதராசனார்

இயற்கை ஆற்றல் மிகுந்தது, ஆண் பெண் இரு பாலாரிடையேஇயற்கை படைத்துள்ள கவர்ச்சி பெரியது, அந்த நேரத்துக்கவர்ச்சிக்கு எளிதில் இரையாகின்றன விலங்குகளும் பறவைகளும்.

மக்களிலும் அவ்வாறு எளிதில் இரையாகிறவர்கள் உண்டு; அவர்கள் விலங்குகள் போன்றவர்களே, அவர்கள் பல துன்பங்களுக்கு ஆளாகி
வருந்த நேரிடும்,

அந்நேரத்துக்கு அப்பால், எதிர்கால வாழ்க்கையைஎண்ணிப் பார்த்து, வாழ்நாள் துணையாக வல்ல காதலுடையவரைத்
தேடுவதே உயர்ந்த மனிதப் பண்பு,

அப்பண்பு உடையவர்களே காமக்
கவர்ச்சியைக் காதல் வாழ்வாக உயர்த்திக் கொள்ள வல்லவர்கள்.அவர்களே இயற்கை படைத்த கவர்ச்சியையும் திட்டமிட்டுப் பயன்படுத்தி வாழ வல்ல காதலர்கள்.

அத்தகைய நெறியான காதலர்களாலும் இயற்கை படைத்த கவர்ச்சியை வென்றுவிட இயலாது. அதை உணர்ந்து பயன்படுத்தி உய்ய அவர்களால் முடியும். ஆனால், கவர்ச்சி ஆற்றல் மிகுந்ததாய்த்
தோன்றும் அந்நேரத்தில் அவர்கள் காதலின் பெருமையையும் தம் சிறுமையையும் எண்ணித் திகைப்படைவது உண்டு.

🌸🌸🌸🌸🌸🌸🌸🌸🌸🌸🌸🌸🌸
நூலின் நிறைவுப் பகுதி…..

ஆண்மையும் பெருமிதமும் உடைய காதலன் ஊடலில் தோற்றுப்போகலாம். அதில் குறை ஒன்றும் இல்லை. காதலர் இருவரும்அன்பால் ஒன்றுபட்டவர்கள்; ஓருயிர் போல் ஆனவர்கள்;

ஒருவர்வெற்றி மற்றவரின் வெற்றியாகவும் ஒருவர் தோல்வி மற்றவரின்
தோல்வியாகவும் ஒருவர் இன்பதுன்பம் மற்றவரின் இன்பதுன்பமாகவும்உணரச் செய்வது உண்மையான காதல்

ஆகையால் காதலர்இருவர்க்கிடையே போட்டி பொறாமை உணர்ச்சிகளுக்கு இடம்இல்லை;

தன்னலத்திற்கும் மான உணர்ச்சிக்கும் இடம் இல்லை.
ஆதலால் ஊடலில் தோல்வி என்பது இல்லை.

தோல்விபோல்தோன்றுவதே வெற்றியாகிறது. ஊடலில் தோற்றவரே வெற்றி பெற்றவர்;அந்த வெற்றியின் பயனை அன்பான உறவில் காணலாம்.

ஊடலில் தோற்றவர்
வென்றார் அதுமன்னும்
கூடலில் காணப் படும். (குறள், 1327)

ஆதலின் காதலின் தன்மையே தனிச் சிறப்புடையது. மலரைவிடமென்மையானது. ஒரு சிலரே அதன் பயனைப் பெறும் தகுதியுள்ளவர்
என்றார் திருவள்ளுவர்.

மலரினும் மெல்லிது
காமம் சிலர்அதன்
செவ்வி தலைப்படு வார். (குறள், 1289)

முழு நூல்
https://www.tamilvu.org/library/lA414/html/lA414por.ht