- This event has passed.
நவில்தொறும் நூல்நயம் தொடர் நிகழ்வு-92 06/12/2024
December 6, 2024 @ 6:30 pm - 7:45 pm
நிகழ்வு எண் 92
நாள்: 06/12/2024
வெள்ளிக்கிழமை
மாலை:- 06:30-07:45
குன்றக்குடி அடிகளார் (1924-1995) பிறந்தநாள் நூற்றாண்டை முன்னிட்டு அடிகளார் நூல்வரிசை குறித்து மாணவர்கள் மட்டுமே உரை நிகழ்த்தும்
சிறப்புத் தொடர்-9
பங்கு பெறும் கல்லூரி:
ஜமால் முகம்மது கல்லூரி, திருச்சிராப்பள்ளி
உரையாளர்கள்: மு. அலிமா அம்மாள் மற்றும் ஜா. முகமது இலியாஸ்
இணைப்பு:
https://valaitamil.zoom.us/j/98864769563?pwd=azdkZXdzd2VaalhEcEhuaUM0VTJQQT09
(ஒவ்வொரு வாரமும் இதே இணைப்பு, இதே நேரம்.)
அடிகளார் நூல்தொகுப்பு குறிப்பு:
திருவண்ணாமலை ஆதீனத்தின் 45ஆம் குருமகாசந்நிதானமாகப் பொறுப்பு வகித்த குன்றக்குடி அடிகளார் தமிழ்ச் சைவ மெய்யியலாளர், தமிழறிஞர், சமூகப்பணியாளர் என்றறியப்பட்டதோடு, உலகத் திருக்குறள் பேரவையை தோற்றுவித்து பல ஊர்களில் நிறுவி, திருக்குறளை திக்கெட்டும் கொண்டு சென்றவர். ‘திருவள்ளுவர் காட்டும் அரசியல்’, ‘குறட்செல்வம்’, ‘திருக்குறள் பேசுகிறது’, ‘குறள்நூறு’ எனப் பல திருக்குறள் நூல்களின் ஆசிரியர். தமிழ்நாடு அரசின் முதல் திருவள்ளுவர் விருது 1986ல் அடிகளாருக்கு வழங்கப்பட்டது. குன்றக்குடி அடிகளார் எழுதிய நூல்களின் எண்ணிக்கை 52. அனைத்து நூல்களும் தொகுக்கப்பட்டு ‘குன்றக்குடி அடிகளார் நூல்வரிசை’ என்ற பெயரில் 16 தொகுதிகளாக 6,000 பக்கங்களில் வெளிவந்துள்ளன (மணிவாசகர் பதிப்பகம்).
உரையாளர்கள் குறிப்பு:
மு. அலிமா அம்மாள் மற்றும் ஜா. முகமது இலியாஸ் இருவரும் ஜமால் முஹம்மது கல்லூரியின் மாணவர்கள். இருவரும் இலக்கிய போட்டிகளில் ஆர்வமுடன் பங்கேற்பவர்கள். பரிசுகள் பல வென்றவர்கள். தமிழார்வம் காரணமாக, தமிழ்த்துறையில் கால் பதித்த ஜா. முகமது இலியாஸ், இலக்கிய வாசிப்பை சுவாசமாக கொண்டவர். முதுகலைத் தமிழ் மாணவரான இவர் கல்லூரியின் பெருமையாகத் திகழ்கிறார். மற்றொரு உரையாளரான அலிமா அம்மாள், அரபுத் துறை மாணவர். தமிழ் இலக்கிய உலகம் மகிழும் வண்ணம், மேடைகளில் தமிழ் முழங்கி வலம் வருகிறார்.