- This event has passed.
நவில்தொறும் நூல்நயம் தொடர் நிகழ்வு-44 29/12/2023
December 29, 2023 @ 6:30 pm - 7:45 pm
நவில்தொறும் நூல்நயம்
வெள்ளிதோறும் இணைய வழி
குறள் நூல்கள் அறிமுகத் தொடர்
நிகழ்வு-44
நாள்: 29/12/2023 வெள்ளிக்கிழமை
நேரம்: மாலை 06:30-07:45 மணி
நிகழ்ச்சிக் குறிப்பு: இந்நிகழ்ச்சி கடந்தவாரத்தின் தொடர்ச்சியாகும். நூலின் இரண்டாம் பகுதியான ‘திருக்குறளில் பாடவேறுபாடு’ குறித்து நயவுரை அமையும்.
நூல்: திருக்குறள் யாப்பமைதியும் பாடவேறுபாடும்
ஆசிரியர்: பேராசிரியர் மு.சண்முகம் பிள்ளை
நூல் குறிப்பு:
சென்னைப் பல்கலைக் கழகத்தின் திருக்குறள் ஆராய்ச்சி வெளியீட்டு வரிசையில் வெளிவந்த (1971) முதல் நூல். டாக்டர் மு. வரதராசனார் தமிழ்த் துறைத் தலைவராகவும் பொதுப்பதிப்பாசிரியராகவும் விளங்கிய காலத்தில் உருவாகிய நூல். பேராசிரியர் மு.சண்முகம் பிள்ளை அவர்கள் அரிதின் ஆராய்ந்து எழுதிய நூல் என்ற சிறப்புக்குரியது. இரண்டு பகுதிகளாக உள்ளது இந்நூல். முதற் பகுதி “திருக்குறள் யாப்பு அமைதி’, இரண்டாம் பகுதி “திருக்குறள் பாட வேறுபாடு’. முதல் பகுதியுள் வெண்பாவின் இலக்கண அமைதியும், வள்ளுவர் குறள் வெண்பாவைத் தேர்ந்து எடுத்துக் கொண்டமைக்குரிய காரணமும், அதனால் திருக்குறள் அடைந்துள்ள சிறப்பும் விரிவாக விளக்கப் பெற்றுள்ளன. இரண்டாம் பகுதியில் திருக்குறளில் உரையாசிரியர்கள் காட்டுகின்ற பாடவேறுபாடுகளும் மூல நூலாசிரியரின் நுட்பமான கருத்துக்களும் ஆராயப் பெற்றுள்ளன.
நூல் அறிமுகம் செய்வார்: முதுமுனைவர் ப. திருஞானசம்பந்தம்
இவர் மதுரையில் உள்ள மன்னர் திருமலை நாயக்கர் கல்லூரியின் தமிழ்த்துறையில் உதவிப் பேராசிரியராகப் பணியாற்றி வருகிறார். “பதினெண்கீழ்க்கணக்கின் யாப்பமைதி” என்ற தலைப்பில் சென்னைப் பல்கலைக்கழகத்தில் ஆய்வு செய்து முனைவர் பட்டம் பெற்றவர். இவரது ஆய்வுக்காகக் இளம் அறிஞருக்கான குடியரசுத் தலைவர் விருது பெற்றவர். மொழியியல் ஆய்வு: வரலாறு பேராசிரியர் ச. அகத்தியலிங்கம் பங்களிப்புகள், ஆய்வுப் பதிவுகள், தமிழியல் ஆய்வு வரலாறு, பேராசிரியர் ய. மணிகண்டன் ஆசிரியம்-ஆய்வு-உரைப் பதிவுகள், பதினெண்கீழ்க்
கணக்கு வடிவமும் வரலாறும், பதினெண்கீழ்க்கணக்கு தொகுப்பும் வாசிப்பும், தமிழியல் ஆளுமைகள் உள்ளிட்ட பத்து நூல்களை வெளியிட்டிருக்கிறார்.
ஒவ்வொரு வாரமும், வெள்ளிக்கிழமை
இதே நேரம், இதே இணைப்பு.
Join Zoom Meeting
https://valaitamil.zoom.us/j/98864769563?pwd=azdkZXdzd2VaalhEcEhuaUM0VTJQQT09
Zoom ID: 988 6476 9563
Passcode: 1330